ده تاني تدريب ليا مع اخويا الشاعر الجميل أحمد موسي وطبعاً
كالعادة بثبت فشلي الذريع أمام عبقريته وسرعته فى الكتابه
وطبعا وكالعادة اللون الأزرق للشاعر احمد موسي
والأسود للأبيات اللى من كتابتى ويارب التدريب يعجبكم
أيوه بحبك
لسه عيوني بتلمح طيف ف الأركان
بتحبيني ؟؟
أيوة بحبك
لسه القلب موزّع نبضه ف قلبي وقلبك زي زمان
قول فين قلبك ؟
قلبي ف بحر عيونك تايه شايف حبك برّ أمان
قلت بحبك
صادق حبك
وانا حبيت من قلبي وعقلي ومش خوّان
قلبي ف بحر عيونك غارق خايف جدا م الحرمان
قلبي ف موج العشق مسافر تايه بردو بدون عنوان
قلبي ف بحرك تاه م المرسي مش لاقي شط وبر أمان
قلت هكمل عمري معاك نرجع نبني سوي الأحلام
إيدي ف إيدك رغم بعادنا كنا بنجري كتير قدام
كنت ف حضن عيونك وحدي
رمشك مهدي وكفني ولحدي
رغم الجري بنلقيّ المرسي مستنينا نعيش ف سلام
كل م اراود شعري واصارحه
وابعد عنك برجع ليكي
والقى الشعر يلف ويرجع
سابق شوقي كتير لعنيكي
كل ما ترجع ليا ب قلبك
تلقي العقل كأنه م كان
ترمي حروفك قدام عيني
واسمع قلبي يدق أوام
بص يا أحمد هدي شوية
واكتب تاني لوحدي وليا
يمكن مرة الاقي حروفي
تطاوعني وتكتبها إيديا
أيوه تماه اهو ميه الميه
بطل تكتب كده علطول
زى القطر ما بلحق اطول
ولا مرة راح ارد عليك
ولا بالشعر اعرف اجاريك
دنته يا بيه أستاذ وكبير
واحنا تلامذه ف خط السير
ارحم حبه وقول بالراحة
خلي إيديا تكون مرتاحه
طب بالراحه عليه شويه
إيدك سايقه الشعر عليا
وانتي منايا وكل ماليا
بدعي ف عز الليل والضي
يالي غرامك ملهوش زي
رب يا رب تخليها ليا
إيدي لعندك بتروح واقفة
وتقول ما اقدر اجاري كلامه
شجعي قلبي قوام بالصقفه
شعري خلاص بيضيع إلهامه
شعرك كله كلامه جميل
ينفع يتقال فى المووايل
هكتب زيه ازاى فهمني
متنافقيش انا حرفي عليل
اوعي تقول كده دنته كبير
قدام شعرك ببقى ضرير
شعرك بيه اتغني الطير
وبقيت بسمعه ياما كتير
يلمس قلبي يدق معاه
ويعيش قلبي أسير ف هواه
قلبك يامه صبرت سنين
حلمي أكون لو يوم جواه
واما هواكي بلهفه ناداني
داوى القلب وزال الآه
ايوه ف بعدك غربه وكربه
بس ف قربك أحلى حياه
وانت ملكت القلب وكان
عشقي عشانك مش هنساه
واما لقيته رد ندايا
قلت خلاص راح اعيش وياه
أيوه بحبك أيوه بريدك
أيوه غرامك قلبي ناداه
وهيفضل قلبك ده مكاني
مهما ابعد راح اعود من تاني
وأعيش وياك احلي حياة
وللعلم دي مرتجلة في دقايق بسيطة وياريت اسمع رأيكم
طبعاً مش فى كلام الشاعر أحمد موسي لانه لا يختلف عليه اثنان
ولكن فى محاولتي البسيطة للرد ياتري نجحت ولا ضيعت الدنيا؟
♥ عدد مساهماتي ♥
الأربعاء يوليو 13, 2011 3:19 pm
