السلم عليكم كيف احوالكم
تمر علينا في حياتنا اليومية بعض المواقف منها مايضحك و ما يبكي وما يطلع الدم وما يهبط السكر
ومن اكثر المواقف التي كرهتها هي:
-كي كنا صغار تكون مروح من لقراية باش تتفرج على كوميك كيما نقار الخشب تبا فضيحة ولكن تتفاجا وتجد المجلس الشعبي الوطني نصك يطيح
-تكون راقد فالصالون تاع داركوم كي تفيق تلقى الضياف قدامك ما تصيب وش تعمل
تنوض تسلم عليهم ولا تروح تغسل وجهك انا لحق نلعبها مازلت راقد
-تكون جيعان وتبدا تاكل وتطيح في شعرة فيها نص ميطرة
-تلقى فالبورتابل تاعك نيميرو معيطلك 3 خطرات تبدا تخمم وتروح تجري لطاكسي فون تفلكسي وتعيطلوا يقولك سامحني خويا اني غلطت
-تركب فالكار وتلقى واحد يعرفك و يقعد قدامك ويبدا يحكي معاك وانت عندك غير حق بلاصة وحدة
-تشعل التلفزيون و تستيكي فراشك بيان وترقد تجي راح تشوف تلقى لاكوموند فوق التلفزيون
-تكون تكونكتي فالسيبار وتحلالك وفي جيبك غير حق تاع نص ساعة
-تكون راقد فالليل فالدار يعيطلك خوك فالبرطابل يقولك حل عليا لباب
-تسخن الماكلة وتحطها فوق المايدة وتجيب الكرسي وتقعد عليه تجي راح تبدا تاكل ماتلقاش الخبز
-تنوض على صباح ربي تقلك امك روح اشريلنا صاشي تاع حليب
-تكون رايح تقرا ولا تخدم وتفوت الدار بكيلومتر تجي راح تضرب جيبك تلقا البورطابل والصرف نسيتيهم في لفراش
♥ عدد مساهماتي ♥
السبت فبراير 11, 2012 5:23 pm
