تدري وش اللي يذبح القلب ياقلب..؟؟

السلام عليكم ورحمة الله



ياقلب جيتك وافهم العلم يا قلب
اللي تحبه يموووت في حب غيرك!!

كم قلت لك ياقلب خله على جنب
يمكن مسيره ما يستوي مع مسيرك

الدرب واااضــح بس لاتجهل الدرب
اللي يحبــك دااايم يستشيرك

ماهو مثل صاحبك عايش على الكذب
وان ماكذب يموت الله يجيرك!!

تبي "الصراحه" مالك ومال هالقرب
ماهو كفوا شرواه يصبح عشيرك

انا ادري انه ترف وصغير وذرب
لكــــن مصيره يختلف عن مصيرك

لا تحسبن السالفه كلها لعب
اصحى معي من شان يصحى ضميرك

اللي تحبه صعبه شوي ينحــــب
قله يروووح وكثر الله خيرك

تدري وش اللي يذبح القلب ياقلب..؟؟
ان تحب انســان ويحب غيرك..!!