أمــــي
أمــي أبـحـر حبـهـا غـركـتـني سنـيـن
وبـدمـعـة جـفـنـهـا تـغـرك الـمـرســه
أنا أمــي بـحـزنـهـا تـحـرك النـاعـور
وتصب دمعه وتون يم أمي كل خرسة
الحـزن غـدا بـيهـا طـبـعة طـبـع تمسـاح
لـــو شــاف الطريــدة بخشته يــفـرسة
كلب عدها جبل وبنصة كهف البين
بكل غيرة وشجن تلفية وتحرسة
الجروح الزغار أدّك عليها الباب
والجروح الجبيرة بيها تتأسى
الخنسه تعذبت من فكدت الخوان
لو تلفي على أمي تشيب الخنسه
ولا يوم اليمر بيها بلايا احزان
طبع تموز شهر الما فكد شمسة
وجفنها اليشبة الناعور لو صب يوم
يشك لثة دهرها ويقتلع ضرسه
أنا هموم كلبي بكثر الأشجار
أظل اصفن على أمي لو ردت أنسه
ويكطع ما يمر ملج المنية علية
وجف النايبة ما يجرأ يلمسة
تنطي اعظم درس للما يعرف النوح
والي راسة فارغ بالحجي اترسة
ويربح من تصير امي علية استاذ
واليحفظ درسها يجيدة ما ينسى
ويا ما أنطت درس للبلبل الفتان
بس بلبل ترف ما يحفظ بدرسة
بس
بلبل ترف ما يحفظ بدرسة
♥ عدد مساهماتي ♥
الخميس مارس 22, 2012 6:44 pm
